هي إيه حكاية الجيل الخامس من الاتصالات، إيه هي طبيعته وإزاي بيساهم في تسريع الإنترنت، وهل له علاقة بزيادة الأسعار في تعريفة الاتصالات بعد الشبكات الجديدة.. هنقولك كل التفاصيل في الفيديو فتابعنا للآخر.
 

في الساعات الأخيرة، الدكتور عمرو طلعت، وزير الاتصالات وتكنولوجيا المعلومات، شهد توقيع منح ترخيص تشغيل خدمات الجيل الخامس للتليفون المحمول بين الجهاز القومي لتنظيم الاتصالات، وشركات المحمول في مصر؛ زي أورانچ وڤودافون وإي آند مصر اللي هي اتصالات، وبنفس الشروط اللي كانت الشركة المصرية للاتصالات وقعت على أساسها التراخيص دي في يناير الماضي.

عشان كده، وصل إجمالي قيمة تراخيص تشغيل شبكات الجيل الخامس للتليفون المحمول الممنوحة للشركات الأربعة حوالي 675 مليون دولار، وده مقابل تراخيص الجيل الخامس وتجديد رخص الأجيال السابقة لمدة 15 سنة.

طب إزاي خدمات الجيل الخامس هتساهم في زيادة سرعات الإنترنت؟

بص يا سيدي، منح  تشغيل خدمات الجيل الخامس دي هتنعكس بالإيجاب على سرعات الإنترنت، وكمان الاقتصاد القومي، ومش بس كده لأ ده كمان على ترتيب مصر في المؤشرات الدولية في قطاع الاتصالات وتكنولوجيا المعلومات، باعتبارها إحدى الركائز الأساسية في تعزيز البنية الرقمية للدولة

كمان تقنيات الجيل الخامس هيساهم بشكل كبير في تحقيق التحول الرقمي، عشان هيتيح لشبكات الجيل الخامس سرعات فائقة تدفع عملية التحول الرقمي وتحقق رؤية مصر لأهداف التنمية، كمان بتُعتبر تقنيات الجيل الخامس عامل محوري في تعزيز وتوسيع خدمات إنترنت الأشياء، واللي بيعتبر من أهم ركائز الثورة الصناعية الرابعة، عشان بيشغل منظومات المدن الذكية والخدمات الرقمية بقطاعات الدولة المختلفة.

يعني ببساطة، إطلاق خدمات الجيل الخامس في مصر هي خطوة مهمة جدا لتعزيز قدرات سوق الاتصالات، وبتعكس التزام الدولة بتوفير أحدث التقنيات وتقديم خدمات مبتكرة للمستخدمين، زي اتصالات متطورة تواكب المعايير الدولية، وتعزز مكانة مصر كمركز إقليمي رائد في تقديم التكنولوجيا المتقدمة.

ودور الحكومة في إتاحة رخصة خدمات الجيل الخامس بالتزامن مع التحسن المستمر في المؤشرات الاقتصادية، بيعتبر خطوة استراتيجية نحو تمكين مصر من مواكبة الركب العالمي في مجال الاتصالات، كمان تكنولوجيا الجيل الخامس هتساهم في تحسين سرعة الإنترنت، والقدرة الاستيعابية لشبكة أورنچ وده هيساهم في تعزيز تنافسية الشركاع وقدرتها على تقديم خدمات متميزة لعملائها.

والخدمة الجديدة دي هتفتتح آفاق جديدة في المستقبل لاستخدامات مبتكرة طي الذكاء الاصطناعي وإنترنت الأشياء، وكمان هتلعب دور مهم في تسريع مشاريع التحول الرقمي، اللي هز أصلا جزء أساسي من رؤية مصر المستقبلية.

ونقدر نقول إن أسعار خدمات الاتصالات مالهاش علاقة بالجيل الرابع أو الجيل الخامس، وبالتالي فالجهاز القومي لتنظيم الاتصالات بيدرس دلوقتي زيادة الأسعار، وجاري التنسيق مع شركات الاتصالات، وهيتم الإعلان عنها وقت الانتهاء منها، يعني لحد دلوقتي مافيش زيادة في أسعار خدمات الاتصالات والإنترنت في مصر لحين تطبيق التجربة في مدة من 3 ل 6 شهور، وبعد كده يتحدد هل هتتطبق زيادة ولا لأ.