الفن انقذني من الانتحار!! الصاوي يكشف تفاصيل مثيرة في حياته قبل الدخول في الفن

خرج الفنان المصري الشهير النجم خالد الصاوي ليتحدث عن بعض التفاصيل المثيرة في حياته وذلك وقال: “الفن أنقذني من الجنون والانتحار والإدمان والإلحاد والضياع عمومًا، وعمل طاقة نور خرجتني من إحساس القلق من إني مش متناغم مع الدنيا”.

أضاف: “الفن خلاني أعيش العالم البديل وأحقق فيه حريتي، وكنت أقعد أرسم نفسي وأنا بعمل حاجات ومغامرات نفسي أخوضها، لغاية ما عرفت إن الفن هيبقى شغلي، وإن معنديش رغبة في حاجة غير الفن”.

وأشار إنه كان على قرب من تناول الممنوعات حيث صرح قائلًا: “في فترة معينة الممنوعات أخذتني أكثر مما ينبغي، وفجأة لقيت قلبي بينط برا صدري بطريقة بتقول إني هموت حالًا، ومشكلتي الكبيرة ساعتها إني مش عايز أموت وفي فضيحة أمي لن تتحملها، عايز ألم البلاوي وأموت على نضيف لكن مش قادر أعمل حاجة”.

خالد الصاوي ورحلة الزواج

وحول عدم الزواج في مرحلة مبكرة من حياته قال: “أنا تزوجت متأخر عشان قابلت الست اللي كنت مستنيها، وخطبت قبلها ثلاث مرات كل خطوبة شهرين تلاتة”.

وأضاف وقال: “أنا مش مريح شوية، وعايز أقعد لوحدي وأعرف أستمتع لوحدي، وده في المعيشة المشتركة مش صح، ومراتي أحسن ست في العالم بالنسبة لي، مي مراتي هي بنتي وأمي الصغيرة أحيانًا، وهي شخصية نادرة كأنها خالد معدل على نضيف”.