قصص قبل النوم للكبار بالعامية +5 قصص خيالية عامية

دائما ما نحب سماع القصص الممتعة وبالأخص القصص التي يمكنك الاستماع بها ومشاركتها مع الأصدقاء والأقارب، سنتناول في موضوع هذا اليوم بعض القصص المكتوبة بالعامية ونأخذكم في رحلة داخل هذه القصص سوياً هي لنتعرف عليها.

قصص قبل النوم بالعامية

يوجد العديد من القصص المكتوبة بالعامية لذا دعنا نتعرف على تلك القصص واحداً تلو الأخر

1-قصة الخيزران والفتاة

كان عايش قاطع الخيزران مع مراته في كوخ قديم وكان بيروح كل يوم الصبح للغابة علشان يقطع الخيزران ويجيبه ويصنع منه حاجات مختلفة ويبيعها في السوق، كان فقير هو ومراته ومكنش عندهم عيال بس كانوا مبسوطين لدرجة انت متتخيلهاش.

و في يوم من الأيام وهو شغال في الغابة شاف خيزرانه شكلها غريب وكانت بتلمع، حس بالفضول وكان رايح يشوفها بنفسه، عمل فيها فتحة صغيرة علشان يشوف ايه الي جواها، واتعجب جدا من الي شافه، شاف بنت صغيرة وحجمها كان قد حجم صباعه وكانت اجمل بنت شافها في حياته.

من غير ما يفكر خدها على طول وراح بيها على بيت مراته وكان شايلها بين ايديه براحه علشان ميحصلهاش حاجة، أول ما وصل حكى لمراته إلى حصل وقالها ووراها البنت، بعد ما فتح ايده على طول البيت كله بقي منور بسبب الضوء إلى طالع من البنت.

بعد شوية دخلت نسمة هوا من الشباك و البنت الصغيرة طارت، بس مرات الراجل عرفت تمسك البنت، وبعدها حجم البنت رجع طبيعي،تاني يوم راح الزوج علشان يقطع شوية خيزران ولقي ذهب موجود جوه الخيزران، وهنا عرف أن البنت الصغيرة جت وجابت معاها الخير كله وبكده تنتهي قصتنا الجميلة.

2-قصة الصياد والبنت

في يوم جميل عادي زي أي يوم في حياة الصياد، كان رايح لشغله، وهو في الطريق لقي بنت جميلة جدا، وكان معجب بيها بشكل رهيب، بس مداش للموضوع أي اهتمام كمل طريقه عادي جدا، وفي يوم تاني شافها صدفة بردوا بس قرر المرة دي يروح يتكلم معاها، ويادوب قرب منها ولقاها أختفت.

مع الوقت الصياد بدأ يحب البنت دي وقعد يدور عليها في كل الأماكن، رسم صورتها إلى كانت محفورة في دماغه، وفي يوم من الأيام شافها صدفة تاني، ومن غير تفكير راحلها على طول وطلب يتجوزها، بس هي كانت بتعيط وقالت له ببايا خلاني اتجوز راج غني.

الصياد مستناش وراح بسرعة لأبوها، بس أبوها كان راجل طماع جدا، طلب من الصياد أنه يجمع نص ثورة الراجل الغني إلى هيا اتجوزته وهيوافق، الصياد كان فرحان وفي نفس الوقت مكنش عارف يعمل ايه وباع كل حاجته علشان يجمع الثروة إلى أبو البنت طلبها منه واداله مهلة بس الصياد طلب من الراجل انه يمدله المهدلة شوية

و لما راح الصياد لبيت البنت الجميلة لقى هناك حفلة وكان فيه ضيوف كتير افتكر أن دي جوازة البنت من الراجل الغني بس أبوها قال للصياد انا مش هلاقي راجل يكون مناسب لبنتي زيك كده يخليها مبسوطة وفعلا اتجوزها وعاشوا مبسوطين، النهاية.

3-قصة الديب و المزرعة

في يوم من الأيام كان فيه مزرعة مليانه شجر وزرع و خرفان وكان صاحبها عنده كلاب كويسة بترعي الغنم وبتحميها من أي ديب يحاول يقرب.

و جه يوم الكلاب إلي في المزرعة اتخانقت خناقة كبيرة وشافها من بعيد الديب وكان مبسوط بالي بيحصل لأن ده اداله فرصة أنه يقرب من الخروف الصغير ويمسكه، نادي الخروف الصغير بصوت عالي وقال: الحقوني الديب هياكلني، وبسرعة الكلاب راحت تجري علشان تلحق الخروف الصغير، الديب شاف الكلاب بتجري نحيته وجري بسرعة جدا وهرب و رجعت الكلاب اتصالحت تاني و الدنيا بقت كويسة في المزرعة، النهاية

4-الجزيرة والُحكام

حكايتنا النهاردة بتبدأ بإن كان فيه جزيرة كان بيحكمها ملوك لحد أخر نفس فيهم وفضل الحال على كده سنوات كتيرة ، وفي يوم كان حاكم من الحكام مدت الحكم بتاعته خلصت، خد بعضه و ركب سفينه و أتوجه للبحر، وأهل الجزيرة اختاروا الشخص الي هيبقي الحاكم الجديد، لما كان الحاكم في البحر لقي جزيرة تانية مليانه حيوانات مفترسة و جثث ملوك تانية وقالهم أنا هفضل هنا واخلي المكان ده مكان جميل، النهاية

5- المزرعة السعيدة

في يوم من أيام الربيع الجميلة، كانت المزرعة السعيدة بتمر بيوم زي أي يوم ليها، يوم هادي وبسيط مفهوش أي مشكلة، وبدون أي مقدمات شافت البقرة إن فيه سحابة من التراب جايه نحيتهم بسرعة، كل الحيوانات جريت تستخبي جوه الحظيرة علشان كانوا خايفيين جدا، لان منظر سحابة التراب مكنش بيبشر بالخير ابدا، دخلت الحيوانات جوه المزرعة ومعداش ساعة واحدة وكانت السحابه اختفت، طلعت السحابة دي رياح الخمسين الموسمية والحيوانات مكنتش تعرف، النهاية.

لكل قصة بداية جميلة ولكن تختلف النهايات، فمنها ما يكون سعيداً ومنها ما يكون حزيناً، ولكننا دائما ما نحب ونسعي للوصول إلى النهايات السعيدة.