حواديت رومانسية جميلة جدا للعشاق

دائما ما يحب الكبار والصغار الاستماع إلى القصص مهما كان نوع القصة ولهذا فسوف نقدم لكم اليوم ما يحبه الجميع، سنقوم بعرض لكم بعض القصص والحواديت الرومانسية الجميلة التي دائما ما تحتوي على نهايات سعيدة.

حواديت رومانسية جميلة بالعامية

دعونا نتعرف سوياً على مجموعة من الحواديت الرومانسية الجميلة والمكتوبة بالعامية:

1-وردة والبير

اسمها وردة كانت عايشة لوحدها في بيت قديم قدام بير مايه واكنت دايما بتسلي نفسها بانها كانت بتغزل الصوف، وكانت كل يوم بتقعد قريب من البير تتكلم مع نفسها وبتحكي عن أحلامها وكان البير بيردد صدى كلامها، ودايما كانت وردة بتتمني انها ترتبط بشخص طيب وتعيش في مكان وسط الخضرة وتتمنى أنه يكون عندها أب وأم وأولاد.

وفيه يوم وقعت الابرة الي بتستخدمها وردة في البير وحاولت تجيبها لكن معرفتش علشان كانت محتاجه انها تنزل البير تحت وده كان صعب عليها جداً.

وبعد مدة قررت وردة تنزل تجيب الابرة لان دي كانت وسيلة التسلية الوحيدة بتاعتها، قررت تجيب كشاف وتنزل في البير لحد ما وصلت للقاع، ووقفت شوية في البير وكان البير المايه فيه قليله جداً وده إلى سهل عليها انها تنزل، وقعدت نص ساعة جوه البير مكنتش عارفة تخرج، وبعد ما الساعة بقت 12 وردة شافت نور بيخرج من حيطة البير والحيطة بدأت تتكسر وتقع، بدأت وردة تشوف خضرة كتير وقصر كبير شكله غريب ولكنه جميل جداً، وبدأت تتوجه نحيه القصر ده علشان تشوف مين فيه، وهي بتمشي شافت شخص واقف بيقطف الورد إلى موجود في المكان، وجرت نحيته تسأله ايه المكان الي هيا فيه ده، ومجرد ما وصلت عند الراجل فضل يبص عليها لأنها كانت جميلة جداً، قالت له انت هتفضل باصص لي ومش هترد عليها، وبعدها بدأ يركز ويرد عليها قالها اننا في عالم الغيلان، استغربت وردة وسالت نفسها يعني ايه عالم الغيلان، وقالت له طب وانت مين قالها انا صاحب القصر الي هناك واسمي ماركوس،

بدأ الاعجاب يظهر على وش وردة، وبدأوا الاتنين يقربوا من بعض ويتكلموا كل يوم وعلشان وردة مكنش ليها مكان تاني ومكنتش عارفة ترجع للعالم بتاعها قررت انها هتفضل في عالم الغيلان، واقترح ماركوس عليها أنها تفضل معاه في القصر وكان ليها غرفة خاصة، في البداية وردة كانت خايفة ولكن مع مرور الوقت بدأت تحس أن الأمور عادية وبدأت تحب ماركوس أكتر وأكثر، وهو كمان كان بدأ يحبها، ولحد ما جه يوم كانت الدنيا هادية والأجواء جميلة وكانوا قاعدين وسط الشجر إلى قدام القصر واعترفوا بحبهم لبعض.

2- جميلة والجامعة

كان في بنت اسمها حميلة، أول يوم ليها أتعرفت على ناس كتير جداً لانها كانت اجتماعية وما بينهم شاب اسمه خالد، خالد كان شاب مش اجتماعي شوية ومكنش بيحب يتكلم مع حد، وجميلة لاحظت الموضوع ده، اخذت عهد على نفسها أنها هتساعد خالد يتغير، ويوم ورا التانى وهما الاتنين بيقربوا من بعض أكثر وأكثر، جه خالد في يوم قعد مع نفسه وكان قاعد يفكر في جميلة، وكان بيسأل نفسه هو انا بدأت أحبها؟ اكيد لا، انا مش مستعد لحاجة زي دي، والمشكلة ان خالد كان بيفكر بصوت عالي شوية وجميلة سمعته، جميلة وشها بقي أحمر ومكسوفه من الكلام الي سمعته وخالد كل ده ميعرفش ان جميلة سمعته، وجم الاتنين في يوم كانوا عندهم محاضرة عملي وبعد ما خلصوا المحاضرة قرر خالد يعزم جميلة على الغدا، وفعلا راحوا الاتنين مكان جميل جداً، وهما بيتكلموا سوا، خالد سكت فجأة، وجميلة سألته مالك يا خالد، خالد بص لجميلة وقالها جميلة أنا بحبك، ردت عليه وقالت له أنا عارفة، خالد استغرب عارفة ازاي؟ قالت له يا خالد انا سمعتك وانت بتتكلم مع نفسك من فترة، خالد حس بالأحراج وكان حابب يمشي بس جميلة وقفته وقالت له، على فكرة يا خالد وانا كمان بحبك، و من هنا بدأت قصتهم مع بعض حبوا بعض وقضوا سوا أجمل سنين في الكلية لحد ما أتخرجوا واتجوزوا وعاشوا مع بعض مبسوطين.

3-صياد السمك

في يوم من الأيام كان فيه صياد اسمه هاري، هاري ده كان بيعشق الصيد أكثر من أي حد تاني، وفي يوم من الأيام قرر هاري انه هيطلع رحلة صيد يقعد فيها مدة أسبوع، وجهز نفسه وخد المركب وطلع رحلته، وخلال الرحلة شاف مركب تانية محتاجة مساعدة وبسرعة أتوجه نحيته المركب، وأول ما وصل شاف إن قبطان المركب دي بنت جميلة جداً اسمها ماريا، ماريا كانت كمان بتحب الصيد زي هاري بالظبط، وقعد هاري وماريا يتكلموا عن الصيد وقد ايه هما الاتنين بيحبوا الصيد، هاري كان معجب بماريا وقد ايه هيا شبهه، وقرر أنه يعرض عليها الزواج ويطلعوا رحلات الصيد مع بعض، ماريا وافقت انها تتجوز هاري وعاشوا مبسوطين سوا وهما بيصتادوا.

وفي نهاية المقالة نتمنى أن تكون قد أعجبتكم مجموعة القصص التي عرضناها عليكم، ونتمنى لكم قراءة ممتعة لهذه القصص الرومانسية الجميلة.