حكم وأمثال شعبية +50 من الامثال الشعبيه المصريه؟

أشتهر المصريين منذ زمن بالأمثال الشعبية التي يقولوها لبعضهم البعض والتي تعكس تلك الأمثال واقع يعيشه بعض الأشخاص، وإنا تكون الأمثال عن وصف الحال أو يتكلم عن حسن أو سوء الحظ ولهذا سنعرض لكم في موضوع هذا اليوم حكم وأمثال شعبية مصرية.

حكم وأمثال شعبية

دعونا نتعرف سوياً على بعض الأمثال الشعبية المصرية المعروفة، هيا بنا:

• يوم ما اموت أعز الصحاب ليا هيحط التراب عليا
• لو على الصحاب متعدش بس يا خسارة نصهم ميسدش
• لما يبقي عندك أصحاب عددهم قليل بس رجالة أحسن بكتير من الصحاب الكتير الندالة
• أبو كرش يصونك ولا أبو عضل يخونك
• الراجل ميعيبوش غير جيبه
• جنازة بتار ولا قعدة الراجل في الدار
• اللي بيته من ازاز ميحدفش الناس بالطوب.
• جبت الأقرع يونسني، قلع الطافية وخوفني.
• في الورش مرايه، وفي القفا سلاية.
• عصفور في الأيد ولا عشرة على الشجر.
• مراية الحب عميا
• ضرب الحبيب زي أكل الزبيب
• خد ابن عمي واتغطى بكمي
• لو سرقت اسرق جمل ولو عشقت اعشق قمر
• من لقي احبابه نسي صحابه
• اختار الصديق قبل الطريق
• ضربت الودع ملقتش صاحب جدع
• مرات المنحوس لا هي مطلقة ولا هي عروس
• اللي متتجوزش بخدودها تتجوز بجدودها
• قصي ريش طيرك قبل ما يلف على غيرك
• حطي جوزك فوق السطوح ولو ليكي نصيب فيه مش هيروح
• جوزوا مشكاح لريمة ما على الاتنين قيمة
• مرات المنحوس لا هي مطلقة ولا هي عروس
• حسدوا الصحاب على لمتهم لحد ما بانو على حقيقتهم

من الأمثال الشعبية المصرية

دعونا نتعرف سوياً على أبرز الأمثال الشعبية المصرية، هيا بنا:

• اللي تحوشه النملة في سنة ياخده الجمل في خفه.
• صباح الخير يا جاري، انت في دارك وانا في داري.
• كل تأخيرة وفيها خيرة
• الغالي تمنه فيه
• الديك الفصيح من البيضة يصيح
• كل عقدة وليها حلال
• دنيا كلها تمثيل وصعب تلاقي حد فيها أصيل
• انا لسه بصحتي ويا أهلا بالي يجي على سكتي
• أصحاب الشدة اتنين وأصحاب المصلحة ألفين
• ناس منعرفهاش وبتشكر فينا وناس نعرفها بتتكلم علينا
• الجبان ربى عياله.
• اللي يحبه ربه يحبب فيه خلق
• داري على شمعتك تقيد
• من جاوز السعيد يسعد ومن جاوز الحداد ينكوي بناره
• دخان يعمي ولا برد يقتل
• اتلم المتعوس على خايب الرجا
• اللي باعك بالفول بيعه بقشره
• بكرة نقعد على الحيطة ونسمع الزيطة
• حرص ولا تخون
• ايد لوحدها ما تسقفش
• العلم في الراس مش في الكراس
• المتعوس متعوس ولو اتعلق على باب بيته فانوس.
• امشي عدل يحتار عدوك فيك.
• اكسر للبنت ضلع يطلعلها أربعة وعشرين.
• من خرج من داره إتقل مقداره.

أمثال شعبية عن البنات

دعونا نتعرف سوياً على أمثال شعبية عن خلفة البنات، هيا بنا:

• الحياة من غير أخت زي الشارع من غير زفت.
• خلفة البنات تجيب الرزق.
• عقربتين في الحيط ولا بنتين في البيت.
• اقلب القدرة على فومها تطلع البنت لأمها .
• موت البنات سترة.
• البنات الحلوة نص مصيبة.
• يا جايبة البنات يا شايلة الهم للممات.
• أم البنت مسنودة بخيط وأم الولد مسنودة بحيط.
• القرد في عين أمه غزال.
• متخافش من الهبلة، خاف من خلفتها.
• اللي خدته القرعة تاخده أم الشعر.
• البنت ضرة أمها.
• البيت الي مفهوش بنات مفهوش حنان.
• أبو البنات شايل على كتافه حسنات.

أمثال شعبية الصبيان

دعونا نتعرف سوياً على أمثال شعبية عن خلفة الأولاد، هيا بنا:

• الواد فرحه ولو كان ملفوف في طرحه.
• الي مالهوش ولد ملهوش ظهر وسند.
• أم القعود في البيت بتعود.
• بدعي على ابني وبكره اللي يقول آمين.
• احترم الكبير يحترمك الصغير.

لقد وصلنا إلى نهاية مقالتنا نتمنى أن نكون قد وفرنا لكم كافة الأمثال الشعبية المصرية التي تتكلم عن الحياة في مصر، كما تعرفنا سوياً على أبرز الأمثال الشعبية التي تتكلم عن خلفة البنات والصبيان.